Fituesja e Çmimit Nobel për Paqen, Narges Mohammadi, arrestohet në Iran

Fituesja e Çmimit Nobel për Paqen 2023, Narges Mohammadi, u arrestua në Iran, njoftuan sot simpatizantët e saj.

Fondacioni që mban emrin e saj tha se Mohammadi u arrestua në një shërbim përkujtimor për një avokate të të drejtave të njeriut, e cila u gjet e vdekur së fundmi.

Irani deri më tani nuk e ka njoftuar arrestimin.

Megjithatë, mbështetësit e Mohamady-t kanë paralajmëruar prej muajsh se ekziston rreziku që ajo të arrestohet përsëri pasi u lirua nga burgu në dhjetor 2024 për arsye mjekësore.

Edhe pse ajo duhej të ishte e lirë vetëm për tre javë, ajo qëndroi më gjatë, ndoshta sepse aktivistët dhe vendet perëndimore ushtruan presion mbi Iranin që ta mbante të lirë.

Mohammadi vazhdoi aktivizmin e saj me protesta publike dhe paraqitje në mediat e huaja, duke përfshirë demonstrata jashtë burgut Evin të Teheranit, ku ajo mbahej.