Ylli i Bayern Munich që ishte pretendenti kryesor për fitoren e ‘Topit të Artë’, por që në fund u mor nga Lionel Messi, ka folur për herë të parë në lidhje me këtë gjë.
Në një intervistë për ‘Kanale Sportowym’, polaku tha se u trishtua shumë nga ajo gjë.
“Ndjeva trishtim, nuk kam asgjë për të fshehur, nuk mund të them se isha i kënaqur, përkundrazi, ndihem i pakënaqur. U afrova, luftova me Lionel Messin… Padyshim që e respektoj për mënyrën se si luan dhe për atë që ka bërë. Vetë fakti që jam në gjendje të konkurroj me të më bën të kuptoj nivelin që kam arritur të arrij. U ndjeva i trishtuar dhe ishte mirë që nuk duhej të luanim një ndeshje në mesjavë.”-tha ai.
Më tej sulmuesi u pyet për deklaratën e argjentinasit, i cili u kërkoi organizatorëve që t’ia dorëzonin polakut ‘Topin e Artë’ 2020.
“Do të doja që fjalët e tij të ishin të sinqerta, jo fjalë boshe. Megjithatë, ideja është unë nuk jam i emocionuar”-theksoi Lewandowski./K.T/Gijotina.com
Discussion about this post