Një shqiptar nga Montreali i Kanadasë iu bashkua sot protestës për rrëzimin e qeverisë Rama që sot shënon ditën e 61-të.
Nga podiumi i improvizuar para kryeministrisë, qytetari u tha protestuesve se të gjithë shqiptarët e Montrealit mbështesin kërkesat e protestuesve
“Unë jam nga Montreali i Kanadasë, t’ju bashkohem juve të gjithëve. Një mesazh solidariteti e kemi nga protestuesit shqiptarë në Montreal. Ne do të bashkohemi në orën e juaj, protestojmë me ju bashkë!
Do të mbështesim të gjitha vendimet që kemi marrë së bashku me komunitetet tona atje. Të dashur bashkatdhetarë, është nder të jem sot mes jush dhe t’ju sjell një mesazh solidariteti nga protestuesit shqiptarë në Montreal të Kanadasë.
Ju kemi ndjekur që nga fillimi. E dimë se qëndresa shkon përtej një zone apo një projekti të vetëm. Ajo lidhet me tokën, pronën publike, ligjin dhe të drejtën e shqiptarëve për të vendosur mbi të ardhmen e vendit të tyre. Ne jemi me ju, kundër çdo politike antishqiptare që ua heq shqiptarëve tokën, pasurinë, të drejtën për të vendosur mbi vendin e tyre. U bashkohemi kërkesave tuaja për shfuqizimin e ndryshimeve të vitit 2024 në ligjin për zonat e mbrojtura, kundërshtimin e akteve të njohura publikisht si paketa e maleve, dhe tërheqjen e projektligjit që parashikon kalimin në pronësi të tokës bujqësore te personat fizikë dhe juridikë të huaj.
Kërkojmë transparencë të plotë dhe pjesëmarrje reale të qytetarëve në çdo vendimmarrje që prek tokën, pronën, pasurinë kombëtare.
Nga Montreali ju themi qartë: Nuk jeni vetëm! Zëri juaj dëgjohet edhe përtej Shqipërisë. Vazhdoni paqësisht, me vendosmëri, dhe të padorëzuar. Ne jemi me ju. Rroftë Shqipëria! Shqipëria e shqiptarëve! Vdekje tradhtarëve!”
Discussion about this post