Fjalimi i Putin, reagon Kievi zyrtar

Fjalimi i liderit rus Vladimir Putin, adresuar kombit të tij nuk ka lënë indiferentë krerët e qeverisë ukrainase.

Një ndihmës i lartë ukrainas, thotë se Putini ka “demonstruar parëndësinë dhe konfuzionin e tij” në fjalimin e sotëm.

Mykhailo Podolyak, një këshilltar i presidentit ukrainas Volodymyr Zelensky, thotë në një postim në Twitter se Federata Ruse nuk ka “zgjidhje premtuese” për ngërçin në të cilin Putin thotë se vendi është tani.

Podolyak i tha agjencisë së lajmeve Reuters:

“Ai është në një realitet krejtësisht tjetër.

Ai nuk ka asnjë mundësi për të zhvilluar një dialog për drejtësinë dhe ligjin ndërkombëtar.”