“Duhet të hash, të flesh dhe të luftosh për klubin”, këto kanë qenë disa nga fjalët që ka zgjedhur Cristiano Ronaldo gjatë fjalimit të tij të parë pas rikthimit te Manchester United.
Portugezi debutoi të shtunën në ndeshjen e Premier League kundër Newcastle dhe shkëlqeu duke shënuar 2 nga 4 golat e fitores së ‘Djajve të kuq’.
Sulmuesi ka mbajtur një fjalim shumë prekës pas rikthimit të tij pas 12 vitesh te klubi ku nisi e gjithë suksesi i tij, ndërsa ka thënë se klubin duhet ta duash.
“Unë u ktheva te Manchester United për dy arsye. E para është se e dua klubin dhe e dyta se e dua mentalitetin fitues që rritet brenda këtij klubi. Unë nuk jam këtu për të qenë nxitës i tifozëve. Nëse doni të jeni të suksesshëm, duhet ta doni United nga fundit i zemrës tuaj.
Duhet të hash, të flesh dhe të luftosh për klubin. Nuk ka rëndësi nëse luani apo nuk luani, gjithmonë duhet të jepni 100% dhe të mbështesni shokët tuaj. Unë jam këtu për të fituar dhe fitorja sjell lumturi. Ne duam të jemi të lumtur apo jo? Ju jeni futbollistë fantastikë dhe unë besoj te ju, përndryshe nuk do të isha kthyer.”-u shpreh ai.
Më tej portugezi ka shtuar se nëse ata japin gjithçka në fushë dhe krijojnë mentalitet fituesi, fansat do t’i mbështesin.
“Nëse jepni gjithçka, fansat do t’ju mbështesin. Unë dua të krijoj një mentalitet fitues, kështu që kur të dal në pension e gjithë kjo të mbetet dhe ju akoma do të dominoni.
Unë do të jap gjithçka, por kam nevojë dhe për ty. A jeni gati për të luftuar? A jeni gati të jepni gjithçka në gushë?”-mbylli fjalimin e tij Cristiano Ronaldo./Gijotina.com
