Moderatorja Fjoralba Ponari ka ndarë me ndjekësit tatuazhin e saj të parë. Në një postim në Instagram, Fjoralba zbuloi se ka gdhendur në trupin e saj shprehjen “Sad birds still sing (zogjtë e trishtuar ende këndojnë)”, duke sqaruar se ky tatuazh i përket periudhës më sfilitëse shpirtërisht për të.
“Tatuazhi im i parë! Si për të përjetësuar në trupin tim, periudhën më sfilitëse shpirtërisht por njëkohësisht dhe më të guximshme që kam jetuar deri më sot. Gjurmën fizike, kyçur në lëkure, që do më shoqëroje sa të kem frymë. Një kujtesë e vazhdueshme ndaj vetes, për ta dashur jetën e për ta jetuar atë me gjithë momentet e saj të errëta dhe të ndritshme”.
Fjoralba ka kaluar një periudhë të vështirë pasi humbi nënën e saj pak kohë më parë. Megjithatë, ka vendosur që këtë humbje ta ruaj për vete dhe mos të flasë as në intervista as në rrjetet sociale. Por fakti që ajo po vazhdon jetën normalisht, siç duhet, dhe shfaqet e buzëqeshur nuk do të thotë se nuk kalon momente të vështira.
Kujtojmë se, Fjoralba Ponari pak muaj më parë humbi nënën e saj. Moderatorja e njohur ka preferuar ta kalojë këtë periudhë të vështirë në privatësi duke mos ndarë asnjë detaj. Por pavarësisht kësaj, Fjoralba vendosi me kurajë të kthehej për të moderuar Portokalli-në edhe pak kohë pas fatkeqësisë.
Discussion about this post