Moderatorja simpatike Fjoralba Ponari njihet për pozitivitetin e saj por sigurisht që jeta e Fjoralbës, ashtu si edhe shumë të tjerëve, nuk ka qenë aspak e lehtë.
Gjatë një bisede virtuale me ndjekësit e saj në Instagram, e pyetur nga ndjekësit në lidhje me probleme të shëndetit mendor moderatorja ka treguar se në periudha të ndryshme ka vuajtur nga ankthi apo depresioni.
“Po, nga te gjitha edhe pse ne periudha te ndryshme te jetes! Eshte me shume rendesi te kesh mbeshtetjen si bashkeudhetare, te njerezve te tu me te rendesishem ne luften me secilen prej atyre qe ke permendur. Nese nuk ke besim te njerezit qe ke afer, kerko ndihme te nje profesionist, me besooo eshte shume e rendesishme te ndash ate qe po kalon me dike tjeter, cfaredo qofte ajo qe po ndjen”, shkruan Fjoralba.
Më herët, po ashtu gjatë një komunikimi me ndjekësit në Instagram, Ponari tregoi se ka realizuar disa këngë, për të cilat po pret momentin e duhur për t’i publikuar.
“Këngët aty janë po presin momentin e duhur për tu publikuar. Por çdo artist(e aq më tepër një artist që lançohet për herë të parë) e di fare mirë sa me risk do ishte të sillte diçka në treg në këtë periudhë të vështirë”, tregoi Fjoralba, pasi u pyet kur do t’i sjellë këngët që ka premtuar prej kohësh.
Dihet që prej kohësh ajo punon me labelin ‘Pint’ dhe ka njoftuar edhe një bashkëpunim me themeluesin e labelit Mc Kreshën por ende nuk dihet se kur do të lancohet.
