Të gjitha institucionet e shtetit janë ngritur në këmbe për të zbardhur ‘sulmet terroriste’ në Kuvend, ku në qendër te tyre mbetet deputeti demokrat Ervin Salianji, pasi ndezi një tymuese në sallën e parlamentit.
Një prokuror i SPAK, dy oficerë të BKH dhe Policia e Shtetit, kanë zbarkuar në Kuvend pas situatës kaotike të krijuar në Kuvend.
Ata do të kqyrin vendin e ngjarjes pasi deputeti i opozitës, Ervin Salianji hodhi flakadanë në seancë, si dhe po punojnë për të siguruar provat për këto ‘akte vandaliste’.
Drejtori i Policisë së Tiranës, Tonin Vocaj mbërriti i pari i shoqëruar me një grup policësh që hynë nga pjesa e pasme e Parlamentit.
Ende nuk dihet nëse policia do të ngrejë ndonjë akuzë për deputetët e opozitës, por efektivët po këqyrin vendin e ngjarjes për shkak të flakadanëve që u hodhën në seancë.
Deputeti Salianji ndezi flakadanë në foltore teksa mazhoranca miratoi projekligjet pa debat dhe mes kaosit të krijuar nga opozita që grumbulloi karriget në mes të sallës së Kuvendit.
Disa nga flakadanët ia morën punonjësit e Gardës, ndërsa disa të tjerë i hodhi në mes të sallës.
Për këtë ngjarje pritet të distancohet edhe ministri i Brendshëm, Taulant Balla, të cilin tashmë jemi mësuar ta shohim të japë vlerësimet pas çdo operacioni policor që ndodh në Shqipëri.
Discussion about this post