Deputeti demokrat Flamur Noka u shpreh mbrëmjen e sotme se protesta e thirrur nga opozita më 20 shkurt nuk do të rrëzojë Edi Ramën. Noka tha në studion e “Të Paekspozuarit” se me protestën e nesërme do i tregohet Edi Ramës se ne jemi të bashkuar dhe na ke përballë.
“Nuk e rrëzojmë nesër Edi Ramën, bustet rrëzohen por jo… Ne do i tregojmë se na ka përballë, ne do i tregojmë se jemi të bashkuar, jo vetëm si PD, por edhe si opozitë, dhe se projekti i tij dështoi”, tha Noka.
Sipas tij, Edi Rama do të përballet me revoltën e qytetarëve dhe me mosbindje civile, ndërsa shtoi se nesër mund të ketë një marshim, duke bërë paralelizëm me dhjetorin e vitit 1990.
“Sot shqipëria është në ditën më të zezë që nga vitit 1990. Sot shqiptarët kanë arsye madhore për të protestuar, sepse shoqëria shqiptare është më e dhunuara në Evropë, e vetmja në Evropë pa liri.
Kam shkuar nëpër zona të ndryshme këto ditë dhe kam vënë re skamje, varfëri. Në Tiranë janë këta derrat e majmur të pushtetit.
Gjendja e shoqërisë është në kufijtë e të tmerrshmes. Kjo qeveria ka mobilizuar truopa policore tregon se ditën e nesërme mezi e kanë pritur njerëzit.
Nesër kemi njoftuar protestë. Çfarë do të thotë protestë e dinë qytetarët.
A janë analistët e qeverisë që thonë se opozita nuk ka njerëz? Ne duhet t’i themi këtij regjimi që paguan banalistët dhe tellallët, me ekranët që ka blerë.
Ne nesër do t’u themi se në Shqipëri ka shqiptarë që nuk e duan, që po vlon revolta. Në Shqipëri ka revoltë dhe nesër ne do t’i japim rrugë. Kemi nisur një aksion për mosbindjen civile.
Nesër mund të ketë një marshim, një ditë tjetër një revoltë. Por ne i themi atij se ne do të të shuajmë.
Nesër do t’i themi Edi Ramës se demokracinë, as me McGonigal nuk e shuan dot. Edhe në vitin 1990 kështu nisi. Ne kemi ndërmend të protestojmë”, tha Noka.
Discussion about this post