Kjo është tryeza ku do të zhvillohen bisedimet mes Ukrainës dhe Rusisë. Në Bjellorusi priten të zhvillohen negociatat mes dy vendeve, të cilat prej 5 ditësh janë në luftë me njëra-tjetrën. Negociatat pritet të fillojnë në orën 12:00 (ora lokale, 11:00 me orën tonë).
Autoritetet bjelloruse njoftojnë se janë të gatshme të mirëpresin bisedimet që janë planifikuar të zhvillohen ndërmjet Rusisë dhe Ukrainës,
“Vendi i bisedimeve ndërmjet Rusisë dhe Ukrainës në Bjellorusi është gati dhe ne jemi në pritje të delegacioneve ”, tha Ministria e Jashtme e Bjellorusisë në Facebook.
Ndihmësi i presidentit rus, Vladimir Medinsky, i cili drejton delegacionin e Kremlinit, tha se ekipi i tij ishte “gati për negociata menjëherë pas mbërritjes së tyre”.
Takimi i planifikuar i së hënës pason një mori deklaratash nga Kremlini, i cili pretendoi më parë se pala ukrainase kishte kundërshtuar propozimin e Rusisë për t’u takuar në Bjellorusi. Zyra e Zelensky mohoi pretendimet se Kievi kishte refuzuar të negocionte.
Discussion about this post