Flamurtari kalon Apoloninë, kuqezinjtë përballë Laçit për Superioren

Në “Elbasan Arena” Flamurtari kaloi Apoloninë pas 120 minutave lojë dhe dhjetë penalltive me rezultatin 3-4 në play-off.

Koha e rregullt dhe shtesa prej 30 minutash nuk prodhuan gola, me vlonjatët që prej minutës së 77-të luajtën me dhjetë lojtarë, kjo pas daljes me karton të kuq të Erlis Frashërit.

Aldo Teqja i siguron Flamurtarit të drejtën për t’u përballur me Laçin në play out-in e Superiores. Ish-portieri i Skënderbeut dhe Partizanit rezultoi vendimtar në goditjet e penalltive.

Pikërisht në “ruletën” e penalltive dolën në pah cilësitë e portierit 29-vjeçar, që priti dy penallti (madje tri, por e treta u përsërit pasi Teqja nuk kishte asnjërën këmbë mbi vijë).

Flamurtari triumfoi në fund me rezultatin 4-3 dhe do të përballet me Laçin për qëndrimin në Superiore.