Presidenti i Turqisë, Reccep Tayip Erdogan ka kritikuar sërish Europën. Duke njoftuar marrëveshjen me presidentin rus Vladimir Putin për të dërguar grurë në vendet afrikane, ai tha se Perëndimi jep mësime për mbrojtjen e njerëzimit, ndërkohë që injoron Afrikën që po vdes urie.
“Ne shohim një mentalitet që e përcakton Evropën si një kopsht dhe pjesën tjetër të botës si bar të egër. Ne e dimë rrugën e vështirë sesi kjo pikëpamje e shtrembëruar që ndan njerëzit në bazë të gjuhës, ngjyrës së lëkurës dhe vendit të tyre e ka çuar botën tonë drejt shkatërrimit, “tha Erdogan.
“Në fakt, në bisedën time me zotin Antonio Guterres, unë thashë: “Ta vendosim këtë në G20, veçanërisht në Samitin e G20, me këtë luftë midis Rusisë dhe Ukrainës, ne duhet të dërgojmë grurin në vendet e zhvilluara apo do ta dërgojmë në vendet e pazhvilluara dhe të varfra? Le të hedhim një hap atje. Veçanërisht e turpshme është indiferenca ndaj kësaj situate të institucioneve dhe vendeve perëndimore që i predikojnë pjesës tjetër të botës për të drejtat dhe liritë e njeriut sa herë që hapin gojën”, ka thënë më tej Erdogan.
Discussion about this post