“Flemë të ndarë”, gruaja e Elvisit sqaron deklaratën e aktorit

Deklarata e Elvis Pupës se me bashkëshorten flenë në dhoma të ndara ka bërë që rrjeti të shpërthejë. Ka qenë vetë ajo që në një intervistë për “Wake-up” ka sqaruar deklaratën duke e konfirmuar dhe duke shtuar edhe arsyet.

“Ideja është që ne kemi 13 vite të martuar bashkë, ne jemi martuar se jemi dashur vërtet dhe vazhdojmë të duhemi vërtet.

Përsa i përket kësaj pjesës së gjumit, ne rrimë bëjmë qejfet tona dhe kur është momenti pastaj flemë gjumë veç e veç.

Gjumin e kam shumë problem, po të fluturojë një mizë tek dhoma ime unë e dëgjoj, e kam shumë të lehtë gjumin dhe Visi ka problemin e gërhitjes, prandaj e kemi bërë këtë gjë.

Në mëngjes kemi një rregull, o vjen njëri tek tjetri o shkon tjetri tek njëri, kështu që kush çohet i pari”, tha Belina.