Fabiani, berberi fierak që qethi Edi Ramën këtë verë, ka treguar se kryeministri i ka paguar paratë si çdo klient tjetër, por e ka tepruar me bakshishin.
“Një pagesë u bë, por me (bakshishin) e teproi pak”, u shpreh Fabiani në emisionin “Zgjohu” në MCN Tv.
I riu që “bëri skulpturë” me kokën e tij, siç e quajti kryeministri Rama kur e publikoi në llogaritë e veta në rrjetet sociale, tha se qethja e kryeministrit i ka shtuar punën. Njerëzit shkojnë në sallonin e tij dhe i kërkojnë t’i qethë njëlloj si ai.
“Një person diku te 65-70 vjeç më tha ‘O çuni ti je berberi i Ramës?’ Po, i thashë. Ore do më qethësh pak si ai’, më tha mua”, tregoi Fabiani.
Discussion about this post