Biznesmeni italian, Davide Pecorelli, i cili u shpall i zhdukur në janar të këtij viti në Shqipëri kishte inskenuar si në një film vdekjen e tij për përfitimin e sigurimeve jetësore.
“Nuk më erdhi befasi e madhe nga ky lajm. Kam pas një besim, duke u bazuar në disa fakte. Puna ime në territorin e bashkisë nuk ka të bëjë vetëm me anën fundksionale, por me të gjitha. Pecorelli bëri një skenar të menduar mirë dhe ardhja e tij në janar, me produkte prukerie ishte e dyshimtë”- u shpreh Gjon Gjonaj.
I pyetur, nëse e njihte më parë, Gjonaj tha se e ka njohur vetëm kur ka ndodh ngjarja. Më pas kryetari i bashkisë së Pukës, u shpreh se biznesmeni italian ka qëndruar vetëm dy ditë në hotel dhe ditën e tretë nuk është kthyer.
“Zjarrëfiksja ka qenë shumë shpejt në ngjarje dhe për aq kohë nuk mund të digjej trupi. Komandanti i zjarrëfikëses ishte shumë i dyshimtë, që nga forma si ka rënë makina dhe pamundësia që trupi të digjej aq shpejt”- tha kryebashkiaku Gjonaj.
Gjon Gjonaj tha se Pecorelli ka zgjedhur Pukën për skenarin e tij, për faktin se mund të kalohet me lehtësi në Mal të Zi apo në Kroaci.
