Hirving Lozano ka folur së fundmi për incidentin e rëndë që pësoi gjatë kësaj vere në ndeshjet e Kombëtareve.
Anësori i Napolit mori një goditje dhe u desh që të nxirrej nga fusha me barelë, teksa më pas iu desh të merrte trajtimeve të vazhdueshme.
Duke folur për ‘ESPN’ meksikani ka treguar se rrezikoi të humbiste jetën ose të paralizohej, teksa thekson se frikën më të madhe e kishte që mund të linte familjen e tij
“Shumë doktorë më thanë se mund të humbisja jetën dhe ndihesha i frikësuar. Mund të lija fëmijët dhe gruan time vetëm. Ishte një goditje e fortë dhe më bëri të mendoja për shumë gjëra. Ishte një dëmtim i rëndë, por fatmirësisht kaloi pa pasoja. Pak më në të majtë ose në të djathtë të ishte goditja, mund të isha paralizuar ose të humbisja njërin sy. Isha në ankth dhe ishte e komplikuar. Ndjeva shumë frikë, por gruaja ishte aty për të më mbështetur”.-u shpreh Lozano.
Ndërsa tashmë duket se gjithçka i përket të shkuarës dhe lojtari ia ka dalë të marrë veten nga ajo ngjarje e frikshme./K.TGijotina.com
