Presidenti i Barcelonës Joan Laporta ka habitur me intervistën që ka dhënë së fundmi për ‘RAC1’. Teksa bëri me dije vijueshmërinë e Ronald Koeman në krye të stolit të katalanasve, Laporta ka folur edhe për Lionel Messin.
Kreu i klubit të ‘Blaugrana’ u shpreh se priste që Lionel Messi të mos largohej nga Spanja, por që të luante falas.
“Ishte një problem i “fair-playt” financiar, nuk kishte vend për negociata, sepse investimi do të na vinte në rrezik. Klubi është mbi Messin dhe presidentin. Unë nuk u zemërova me të, por ishte një kohë kur të dy ishim të zhgënjyer. E di që ai donte të qëndronte, por gjithashtu e di se kishte shumë presion për ofertat që kishte marrë. Mendoj, se ai e dinte, që nëse nuk do të qëndronte, do të shkonte te PSG. Unë shpresoja deri në minutën e fundit që ai do të thoshte se donte të luante falas”.- deklaroi Laporta.
Kjo deklaratë e tij i ka habitur të gjithë, në një kohë kur Laporta bëri afrime gjatë merkatos së verës kishte mundësinë që t’i bënte një ofertë argjentinasit në mënyrë që ai të mos largohej./K.T/Gijotina.com
