Gjatë konferencës për mediat të dhënë ditën e sotme në prag të ndeshjes se parë të Kategorisë Superiore, kapiteni i Dinamos, Agim Ibraimi ka thënë se rivalët janë pak lart.
Të dielën ‘Blutë’ e kryeqytetit do të përballen në orën 13:45 me Kastriotin në transfertë, në një ndeshje që do të tregojë edhe nivelin e skuadrës së krijuar nga zero të trajnerit Shkëmbi.
Ibraimi ka theksuar sot se të gjithë lojtarët janë të rinj për njëri-tjetrin megjithatë kanë filluar që të përshtaten shumë mirë.
“Skuadra nuk është e re, përbëhemi nga lojtarët që janë të rinj. Jemi përshtatur me ekipin dhe mezi presim startin e kampionatit. Ashtu siç është vetë klubi, me autoritet nga emri, ashtu duhet të jemi edhe ne në fushë. Është klubi me më shumë trofe ku kam luajtur, pa marrë parasysh se është liga e Shqipërisë, por edhe këtu duhet të japësh maksimumin. Ashtu siç ka emrin klubi, ato duhet të bëjmë edhe ne.”-u shpreh ai.
Më tej lojtari ka theksuar se të kundërshtarët janë pak të fort, megjithatë sipas tij mbështetja që i japin tifozët e forcon shumë Dinamon.
“Pamë ndeshjen e Superkupës, Vllaznia dhe Teuta janë pak më lart. Tifozët? Janë lojtari ynë i 12 dhe shpresojmë t’i kemi me vete, sepse janë diçka bonus”,-tha kapiteni i ‘Bluve’./Gijotina.com
