Giorgio Chiellini pranon se humbja e Cristiano Ronaldos ishte një “tronditje” për Juventus, por CR7 “kishte nevojë për një ekip që do të luante për të” si Manchester United.
Kapiteni i kombëtares italiane është shprehur se portugezi kishte një skuadër që të punonte për të.
“Unë e kisha kuptuar se ai mund të largohej këtë verë, sepse arritëm në një fazë të marrëdhënies së punës ku Cristiano kishte nevojë për motivim të ri dhe një ekip që do të luante për të,” tha Chiellini për DAZN.
Më tej ai ka shtuar se Juventus është në një fazë që po mendon për të ardhmen, ndaj dhe qendra e vëmendjes janë emrat e rij, por Ronaldo ishte i fokusuar te e tashmja.
“Kur ai gjen një ekip të tillë, ai gjithmonë mund të jetë vendimtar, siç ishte edhe në Juve. Juventusi po fillon një proces rinovimi dhe po përpiqet të ulë moshën mesatare, kështu që është e qartë se ai do të ishte një bonus shtesë nëse do të qëndronte, por është e drejtë që ai donte një ekip më të fokusuar në të tashmen sesa në të ardhmen.”-vijoi lojtari.
‘Zonja e Vjetër’ u përpoq të gjente një zëvendësues, duke e kthyer Moise Kean nga Everton në huazim me detyrimin për të blerë. Ai ndikoi te Allegri, i cili kishte një fillim të tmerrshëm në sezonin e Serie A, por sipas Chiellinit tani tekniku e ka marrë veten.
“Ronaldo u largua më 28 gusht dhe sigurisht që do të ishte më mirë nëse do të kishte shkuar më herët, kështu që ne të përgatiteshim. Fatkeqësisht, ne paguam një çmim për këtë. Kjo krijoi një tronditje për sistemin dhe ne humbëm pikë për shkak të kësaj. Nëse ai do të ishte larguar më 1 gusht, atëherë do të kishim kohë të riorganizoheshim dhe të ishim gati për fillimin e sezonit. “-shtoi ai./K.T/Gijotina.com
