Është zbardhur deklarata e parë që ka dhënë e reja para policisë greke, e cila mbahej për dy vjet e burgosur nga bashkëshorti i saj.
Sipas dëshmisë së vajzës, 28-vjeçari, pas dhunës që kishte ushtruar atë natë, po ashtu e ka kapur nga qafa të renë dhe ka tentuar ta mbysë, ndërsa nga këqyrja e mëpasshme e gruas vërtet janë konstatuar vërtetë shenja mbytjeje.
“Jam dhunuar, i kam shpëtuar shumë herë vdekjes. Ai më kërcënoi se nëse ikja në Shqipëri do të vinte dhe do të vriste prindërit e mi”, mësohet të ketë treguar shqiptarja për autoritetet.
Ajo gjithashtu ka treguar se 28-vjeçari Aurel Kurti nuk e lejonte të shkonte te mjeku për vaksinimin e fëmijës dhe as të thërriste mjekun në shtëpi.
Rasti tronditës është zbuluar mbrëmjen e 21 shtatorit, kur britmat e të resë kanë tërhequr vëmendjen e fqinjëve që i janë afruar banesës. Pasi ka hapur derën dhe ka parë praninë e njerëzve, 28-vjeçari ka tentuar të arratiset, por është bllokuar nga familjarët, ndërsa më pas ka ndërhyrë policia duke bërë të mundur arrestimin e tij.
Discussion about this post