Hansi Flick e bëri shumë të qartë këtë të premte se nuk dëshiron të humbasë asnjë lojtar në këtë fazë të fundit të merkatos. Trajneri gjerman iu mbylli derën largimeve të mundshme të lojtarëve si Fermín apo Casadó. Të dy nuk duan të largohen nga Barça, por për ta ka shumë oferta dhe asgjë nuk përjashtohet. Për momentin, tekniku e ka shprehur hapur qëndrimin e tij. Nga ana tjetër, ai shpreson të ketë në dispozicion Gerard Martín për sfidën kundër Levantes.
Levante – “Është një skuadër me mbrojtje solide, por luan shumë mirë edhe në tranzicion. Kur rikuperon topin është shumë e shpejtë”.
Casadó – “Kam folur me të, sigurisht. Nuk besoj se ai dëshiron të largohet nga klubi dhe, për më tepër, e dua këtu, sepse do të kemi një sezon të vështirë dhe na duhen të gjithë lojtarët. Ai i jep besim skuadrës dhe grupit. Na duhen të gjithë për t’i arritur objektivat këtë sezon”.
Ndeshja me “gjysmë gazi” ndaj Mallorca – “A do të ndodhë përsëri? Jo. Jemi të kënaqur me 3-0 dhe tri pikët e para. Kam qenë lojtar dhe e di si funksionon, por është e rëndësishme të përmirësohemi dhe të japim më shumë, sidomos në këto lloj ndeshjesh. Duhet të përqendrohemi gjithmonë te detyrat tona dhe te plani i lojës. Këtë ua thashë lojtarëve, e kanë kuptuar dhe nuk jam i shqetësuar”.
De Jong, jashtë për arsye familjare – “Nuk flas zakonisht për këto tema. Nuk do të flas as sot. Frenkie zakonisht është gjithmonë i disponueshëm”.
Tri ndeshje në transfertë – “Ne fokusohemi te ndeshja e radhës, mendojmë vetëm për Levante. Pastaj do të mendojmë për ndeshjen pasuese. Nuk është problem, unë jetoj gjithmonë në të tashmen”.
Gerard Martín – “Shpresoj të jetë i gatshëm nesër. Kam folur me të. Do të shohim”.
Zëvendësuesi i De Jong – “Gavi dhe Casadó mund të luajnë aty”.
Lewandowski – “Do të shohim. Kemi menduar për mënyrën si mund të rrjedhë ndeshja, kemi disa opsione. Ferran shënoi javën e kaluar. Ky është argumenti më i mirë për ta përsëritur vetveten. Nëse është e mundur që Lewa të luajë disa minuta, pse jo?”
Fermín Lopez – “Mund të përsëris atë që thashë më parë. Nuk dua të humbas asnjë lojtar tani. Fermín po bën shumë mirë. Jam i kënaqur me të, me të gjithë lojtarët dhe dua që të gjithë të qëndrojnë”.
Roony – “Nuk është i regjistruar, nuk është i disponueshëm për ndeshjen e radhës. Qëndrimi dhe mentaliteti i tij janë fantastike. Do të luajë 45 ose 60 minuta sot me ekipin B. Të shohim javën tjetër nëse gjërat ndryshojnë dhe t’i kemi të gjithë të regjistruar”.
Festat e harbuara të Lamine – “Nuk më shqetëson çfarë thonë të tjerët për skuadrën time. Po flasim për një lojtar 18-vjeçar, është fantastik dhe unë do ta ndihmoj të përmirësohet. Sjellja e tij dhe gjithçka tjetër janë të shkëlqyera”.
Pozicioni i Rashford – “Sigurisht që mund të jetë një alternativë e mirë për Ferran dhe Lewandowski. Na jep shumë opsione. Është më i mësuar të luajë si ‘11’, në krah, por ka prekje të parë të shkëlqyer, driblim… Mund të shijojmë një lojtar fantastic, në 100%”.
Discussion about this post