“Flija në stacione, ti s’më mbështete”, balerini i ri shpërthen ndaj Ilirit

Eltion Merja, balerini që i është bashkuar së fundmi shtëpisë së “Big Brother VIP”, së bashku me 4 banorë të tjerë të rinj, duket se ka disa gjëra për të sqaruar me Ilirin. Ata i bashkon profesioni, gjë e cila është bërë shkas që Eltioni të akumulojë disa hatërmbetje ndaj Ilirit. Ai ka folur rreth një situate të vitit  2011 me Ilir Shaqirin. Ai u shpreh se ky i fundit nuk e ka suportuar kur më së shumti kishte nevojë, ndonëse kishte mundësinë që ta bënte.

BISEDA:

Dj Dagz: O Ilir një koment për ty që ka thënë që ti je profesional, kush e ka bërë?

Iliri: Profesional ka thënë ky (i drejtohet Eltionit).

Dj Dagz: Nuk të ka pëlqyer kërcimi me robdishana?

Iliri: Ku ishin ato gjërat profesionale? E ka për Dancing ky…

Eltioni: Ndoshta e ke harruar si histori, kam një gjë të keqe shumë që nuk i harroj askujt asgjë dhe pse e vuj në kurriz.

Iliri: Jepi!

Eltioni: Nuk më ka pëlqyer situata në Romë kur ke qenë koreografi i muzikalit “Romeo dhe Zhuljeta”, që unë kam qenë në audicion dhe kam ndejt 2 orë e gjysmë në vijë të parë të audicionit dhe ti ke qenë ai që më ke kërkuar, hajde Eltion tregoja edhe të tjerëve si bëhet dhe si përfundim s’më zgjodhe që të isha kast i balerinëve profesionistë te “Romeo dhe Zhuljeta”.

Dj Dagz: A të kujtohet ky muhabet Ilir?

Iliri: As e mbaj mend fare.

Eltioni: Ke qenë koreografi apo jo?

Iliri: Po, i “Romeo dhe Zhuljetës”.

Eltioni: Në vitin 2011, shumë bukur, audicioni është bërë rreth orës 12.

Iliri: Po mo po kam qenë koreografi!

Eltioni: Kështu që unë atë periudhë kam kaluar periudhën më të keqe në Romë.

Iliri: Folëm bashkë atë ditë?

Eltioni: Patjetër, u përshëndetëm dhe nuk desha të thoja Ilir që “unë jam duke fjet në stacione treni dhe më ndihmo pak me këtë gjënë” sepse nuk jam tipi që them gjëra të tilla.

Iliri: Po as unë nuk jam tipi që i pyes njerëzit nëpër audicione që “ku ke fjetur?”

Eltioni: Kjo gjë nuk më ka pëlqyer që e thashë në klip dhe kam dashur ta diskutoj me ty. Do thuash ndoshta pse kaq vonë? Mund ta diskutonim edhe te Dancing por edhe aty kam parë një lloj nuk mund ta quaj distancim por një lloj barriere nga ti. Në tre vite Dancing nuk më ke bërë ndonjë vlerësim që ktë e ke bërë koregografinë më të mirë. Kjo gjë më ka dhembur.