Wanda Nara është bërë përsëri protagoniste këtë javë, këtë herë pa dashje, pasi është mësuar se diva argjentinase mund të jetë duke vuajtur një sëmundje të rëndë.
Në mediat argjentinase u përhap lajmi se ajo vuan nga leucemia, gjë që ishte mësuar pasi ishte shtruar me urgjencë në spital ditën e mërkurë.
Bashkë me Mauro Icardin, i kthyer me urgjencë në vendlindje, ajo ishte zhdukur nga rrjetet sociale në ditët e fundit, por ka qenë vetë sulmuesi i cili ka thyer “heshtjen”, duke publikuar fillimisht foto të evenimentit ku ajo ishte nderuar me çmim për prezantimin e “Masterchef” në Argjentinë, e më pas një foto të të dyve bashkë.
“Mirëdita” shkruante sulmuesi në këtë foto, ku shihej Wanda me sytë e mbyllur, e mbështetur te Icardi i cili ka marrë leje nga klubi i Galatasaray për të qëndruar pranë familjes në këto momente.
Discussion about this post