Urban Band u shpallën fitues të kategorisë “Best New Artist” në “Kënga Magjike”. Grupi i rockut, që u prezantua me këngën “Edhe një natë”, arritën të rrëmbenin votat e jurisë profesioniste të përbërë nga Jonida Maliqi, Arben Skënderi, Markelian Kapidani, Kozeta Kurti dhe Enkel Demi.
Në finalen grupi Urban Band ishte përballë artistit të ri Kras, i cili konkurroi këtë vit me këngën “Bekuar”. Vendimi final i jurisë profesionite të “Kënga Magjike” nuk është pritur mirë nga këngëtari i njohur, Flori Mumajesi, i cili këtë vit merr pjesë në “Kënga Magjike” së bashku me Klajdi Harunin.
“Koha do ta vërtetojë sa gabim apo të drejtë kishte kjo juri! Për mua që refuzoj të jem në panele jurie je ti fituesi dhe jo vetëm i New Artist”, shkruan Flori në një postim.
Në fakt Flori Mumajesi kishte gisht në këngën e Kras, sepse ai ka punuar tekstin e këngës dhe projekti muzikor është punuar nga labeli i tij “Threedots”.
