Mbreti i boksit në Shqipëri, Florian Marku është vetëm 8 ditë larg realizimit të ëndrrës së fëmijërisë. Ai do të zhvillojë një nga përballjet më të rëndësishme të tij në Shqipëri, në “Air Albania”.
Kampioni i botës në peshën “Welter” në kategorinë IBF International po vijon me intensitet stërvitjen për duelin e 25 gushtit në stadiumin “Air Albania”.
Marku do të ketë përballë një rival të fortë meksikan, Miguel Parra.
Përmes një postimi në Facebook, kampioni ka një kërkesë për të gjithë fansat e tij. teksa i lajmëron se është gati, Marku i kërkon të gjithëve të marrin me vete flamurin kuq e zi në stadium.
“Jam gati! Edhe 8 dite kane ngelur per ndeshjen me te madhe te historise te boksit ne Tirane. Ju pres te gjitheve ne stadiumin Air Albania, merrni me vete Flamurat qe te krijojme nje atmosfere e cila do te mbahet mend gjate!”, shkruan Marku.
Discussion about this post