Aktori i njohur dhe aktivisti qytetar, Florjan Binaj, i cili garon nen siglen e o[pozites per kryetar bashkie ne Tirane, ka nisur zyrtarisht fushatën e tij politike, duke bërë një thirrje publike për bashkim dhe ndryshim. Në një postim të shpërndarë në rrjetet sociale, Binaj u shpreh se dëshira për t’i shërbyer qytetarëve është nderi më i madh i jetës së tij.
“Mundësia për t’ju shërbyer juve, është nderi më i madh i jetës sime! Ju ftoj të bëhemi bashkë për këtë ndryshim”, shkruan ai.
Megjithëse nuk jep ende detaje të plota për platformën apo pozicionin për të cilin kandidon, thirrja e Binajt vjen pas një periudhe të gjatë angazhimi në kauza publike dhe kritika ndaj institucioneve për mungesën e transparencës dhe llogaridhënies.
Florjan Binaj është bërë i njohur për publikun jo vetëm si aktor i humorit dhe spektaklit, por edhe si një zë i fortë në protestat qytetare dhe debatet për çështje me rëndësi publike.
Ky postim sinjalizon zyrtarisht hyrjen e tij në garën politike, ndërsa mbetet për t’u parë se cila do të jetë platforma që do të prezantojë përballë qytetarëve dhe për çfarë posti synon të kandidojë.
Discussion about this post