Fluks në pediatri, 350 fëmijë në ditë me viroza të stinës, Covid dhe meningit

Edhe pse Tirana duket e zbrazët këtë fillim gushti, urgjenca e pediatrisë në QSUT është ne kulmin e punës.

Virozat klasike të verës, prania e Covid-19  si dhe qarkullimi i disa infeksioneve respiratore jo të zakonta në këtë periudhë të nxehtë,  kanë shtuar ngarkesën dhe shtrimet në spitalin pediatrik. Mbi 350 fëmijë paraqiten çdo ditë në shërbimin e urgjencës ku sipas mjekëve piku i vizitave shënohet në orët e mbrëmjes.

Temperatura e lartë dhe rezistente është karakteristike e të gjitha virozave në qarkullim por edhe e Coivid-19.

Mjekët tregojnë se nuk ka fëmijë në gjendje të rëndë me Covid, por thonë se këtë verë nuk mungojnë infektimet nga Meningiti të cilat janë izoluar dhe po trajtohen sipas portokollit të sëmundjes.

Në këtë periudhë fluksi mjekët e Pediatrisë thonë se jo të gjithë fëmijët që paraqiten në spital janë raste urgjente. Ata kërkojnë bashkëpunimin e prindërve të cilët pikën e parë të kontaktit duhet të kenë mjekun e familjes.