Fluks pacientësh me probleme kardiake, por edhe gastrointestinale janë paraqitur ditët e fundit në spitalin e Kukësit. Mjeku kardiolog dhe ai i urgjencës shprehen se shkak për këtë fluks janë temperaturat e larta, për këtë arsye këshillojnë qytetarët që të shmangin daljet si dhe të konsumojnë shumë ujë.
Fluks pacientësh me probleme me zemrën kanë shkaktuar temperaturat e larta për spitalin e Kukësit.
Shefi i Kardiologjisë në këtë spital, Edvin Kovaçi, shprehet se në një ditë në këtë repart paraqiten 15 pacientë që kanë probleme me zemrën.
Ndërsa nga ana tjetër, mjeku i Urgjencës në spitalin e Kukësit, Neritan Biba, thekson se është rritur numri i personave që vijnë për ndihmë mjekësore, siç janë të sëmuret kronikë, por edhe ata me probleme gastrointestinale.
Mjekët bëjnë thirrje dhe këshillojnë qytetarët që të shmangin daljet në orët e nxehta të ditës, por gjithashtu të përzgjedhin ushqimet por edhe të konsumojnë sa më shumë ujë./ Syri TV
Discussion about this post