Kryebashkiakja e Durrësit, Emiriana Sako bën shpenzime luksi në pikun e krizës ekonomike. Pak ditë më parë ajo ka mbyllur tenderin më të panevojshëm që mund të kemi parë në këto kohë. Bëhet fjalë për prokurimin me numrin e referencës REF-42050-09-16-2022 dhe me objekt “Skenë Lëvizëse 100 m2”. Për këtë skenë që është me përmasa më të mëdha se hyrjet në të cilat jetojnë disa familje apo studentët, Sako do të paguajë 50 milionë lekë. Dhe këto shpenzime i bën kryetarja e një qyteti i cili kashumë mundësi, por të gjitha janë të përqendruar vetëm në disa duar, kur pjesa tjetër vazhdojnë të luftojnë për bukën e gojës, apo flenë nëpër çadra edhe 3 vjet pas tërmetit.
Por kryetarja e ka mendjen tek koncertet ose mitingjete fushatës elektorale. Duke shfletuar dokumentet e këtij tenderi vihet re se Sako do të blejë pajisje të ndryshme muzikore që nevojiten për koncerte sepse skena po blihet për orkestra, grupe, skena teatrore si dhe për fjalimet elektorale në zgjedhjet e ardhshme.
Tender pa garë
Ky tender, aq sa absurd, është edhe i dyshimtë. Kjo për faktin se kemi të bëjmë me mungesë konkurrence. Në garë ka paraqitur ofertë vetëm subjekti i quajtur “Lumturi Haxhijosifi”, prandaj ligjërisht prokurimi duhej pezulluar. Por, Sako e ka lënë Lumturin që të konkurrojë me veten e saj dhe menjëherë e ka shpallur fituese edhe pse ka ofruar 4,100,000 lekë pa llogaritur TVSH-në. Kjo vlerë është gati sa 100% e fondit limit, përkatësisht sa 98.4%, çka përbën një tjetër shkelje të rregullit, i cili kërkon që ofertat të jenë poshtë 70%-shit të fondit limit.
Vetë pak muaj më parë “Lumturi Haxhijosifi” ka marrë një tjetër tender pa garë, i cili ishte hapur për një tjetër shpenzim luksi nga Sako. Bëhet fjalë për tenderin me objekt “Blerje mikrofon ëireless”, për të cilin krybashkiakja e Durrësit ka shpenzuar 6 milionë lekë të vjetra. Në këtë tender Sako nuk ka dhënë shumë detaje se për çfarë i duhen këto mikrofona, por me siguri për sallat gjigande ku Sako mbledhë militantët dhe bën propagandë për rindërtimin pas tërmetit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post