Një 26-vjeçar shqiptar ndërroi jetë mëngjesin e sotëm në Bronx pasi automjeti të cilin ai drejtonte u përplas me një shtyllë në autostradën Haight Ave. Sipas mediave vendase, viktima quhet Kreshnik Kajtazi. Ai kishte marrë plagë të rënda në kokë, që i shkaktuan vdekjen e menjëhershme. Pasagjeri, i cili udhëtonte me Kajtazin ka marrë plagë serioze në trup dhe ndodhet në gjendje kritike për jetën.
Policia raporton se i ndjeri po drejtonte automjetin Mercedes Benz ML320 me shpejtësi të madhe. Ai ka shkelur rregullat e qarkullimit rrugor duke kaluar semaforët në kohën kur ishte ndezur drita e kuqe. Në Morris Park Avenue, shoferi nuk ka mundur dot ta manovrojë si duhet automjetin për shkak të shpejtësisë së lartë dhe u godit me një shtyllë.
Kajtazaj dhe pasagjeri ndodheshin afro 1 km larg banesës së viktimës. Ambulanca dhe policia mbërrit në vendngjarje, por për fatin e keq 26-vjeçari kishte humbur jetën në vend.
Marrë nga “New York Daily News”
Discussion about this post