Fondi Monetar Ndërkombëtar ka “bombarduar” qeverinë tonë me një sërë kritikash në lidhje me procedurat e PPP-ve. Sipas FMN, përveçse se jemi shumë të varur nga projektet me PPP, vendi ynë procedon në mënyrë jo transparente me to. Në deklaratën e Fondit thuhet se, këto projekte rrezikojnë buxhetin e shëtit për shkak se iu akordohen shuma shumë më të larta se vlera tavan e vendosur, prandaj çdo vit e kalojnë pragun 5% të PBB.
Këtu, FMN iu bënë thirre Ministrisë së Financave të tregohet më e arsyeshme dhe transparente kur bën zgjedhjet e projekteve, në të kundërt do të fus buxhetin në kaos të vërtetë.
“Sfidat kryesore përfshijnë mungesën e transparencës mbi tejkalimin e kostove dhe afateve fillestare dhe mosrespektimin e proceseve të miratuara të përzgjedhjes dhe miratimit të projekteve, përfshirë këtu kur PPP-të përdoren për të anashkaluar tavanet buxhetore afatmesme. Është e rëndësishme të forcohet kapaciteti e MFE-së për të vepruar në mënyrë pro-aktive si një barrierë në përzgjedhjen e projekteve dhe të angazhohet në mënyrë aktive në proceset e vlerësimit dhe monitorimit”, deklaron FMN.
Më tej FMN shprehet se, qeveria duhet ta marrë si një sfidë reduktimin e risqeve që vijnë nga PPP-të, si dhe të përpiqet që në çdo projekt të raportohen të dhëna të sakta.
“Shqipëria do të përfitojë shumë nga përpjekjet e bashkërenduara për të monitoruar dhe menaxhuar më mirë risqet fiskale në rritje. Mungesa e të dhënave të sakta mbi ekspozimin e vërtetë të qeverisë ndaj PPP-ve është një sfidë kryesore”, thekson Fondi.
Sipas FMN, këto janë hapa që duhet të ndërmerren patjetër për të filluar rimëkëmbjen ekonomike.
