Skuadra e Strugës ka një takim me historinë këtë javë, teksa do të ndeshet të enjten me islandezët e Breidablik në turin play-off të Ligës së Konferencës.
Dhe për këtë arsye, ndoshta kampionët në fuqi të Maqedonisë së Veriut kanë kaluar në plan të dytë këtë javë të kampionatit duke u mundur në shtëpi.
Këtë të hënë, skuadra e drejtuar nga tekniku shqiptar Shpëtim Duro u mposht nga skuadra e themeluar nga Goran Pandev, Brera Strumica, me shifrat 2-1.
Duro kishte lënë pushim pjesën më të madhe të titullarëve duke menduar për takimin e të enjtes dhe Brera përfitoi duke gjetur avantazhin me Krstevskin.
Barazimi i Ibraimit, i futur në lojë në pjesën e dytë, hapi ndeshjen, por Vrdoljak shënoi golin e fitores 2-1 në minutën e 71-të.
Kështu, pas 3 ndeshjeve të luajtura, është pikërisht Brera Strumica që merr kryesimin e kampionatit me pikë të plota, duke lënë pas skuadrat e tjera./PanoramaSport
Discussion about this post