Rektori i Universitetit Bujqësor të Tiranës, Fatbardh Sallaku, nuk dha asnjë koment pasi mbaroi raportimin para grupit parlamentar të PS.
Ai u pyet nga gazetarët se përse ishte e nevojshme që të raportonte para deputetëve socialistë, por Sallaku nuk foli asnjë fjalë.
Para grupit parlamentar të Partisë Socialiste, rektori i Universitetit Bujqësor të Tiranës, Fatbardh Sallaku, deklaroi se edhe atij i është marrë telefoni, në kuadër të hetimeve që u zhvilluan nga Prokuroria e Posaçme dhe që përfunduan me arrestimin e 5 personave, dhe dhënien e masave më të lehta të sigurisë për 19 persona të tjerë, mes tyre zëvendësrektorë, pedagogë, drejtorë prokurimesh e specialistë IT.
Në raportimin para deputetëve socialistë dhe kryeministrit Rama, Sallaku përmendje arritjet sipas tij të UBT dhe shprehu besim se shumica e stafit akademik janë të ndershëm dhe se universiteti do të vazhdojë të përparojë. Ai theksoi se nuk komenton vendimet e drejtësisë, ndërsa fjalimin e mbylli duke u shprehur se “por thelbi i çështjes se ky universitet ka nevojë për mbështetje”.
Discussion about this post