Lufta në Lindjen e Mesme, ka sjellë një përplasje mes aktorit Jon Voight dhe vajzës së tij Angelina Jolie, ish-e dërguara speciale e OKB-së për refugjatët, e cila kohët e fundit dënoi reagimin e Izraelit ndaj sulmeve terroriste të Hamasit .
Babai 84-vjeçar nuk e mbështet reagimin e saj dhe i përgjigjet përmes një video në Instagram ku shkruan: “Jam shumë i zhgënjyer që vajza ime, si shumë të tjera, nuk e kupton nderin e Zotit, të vërtetat e Zotit”.
Voight thotë se është i zhgënjyer veçanërisht nga fakti që vajza e tij nuk e kupton, sipas tij, objektivin e Hamasit për asgjësimin e tokës së hebrenjve, shkruajnë mediat e huaja.
“Ushtria izraelite duhet të mbrojë tokën e saj, popullin e saj. Kjo është luftë. Nuk do të jetë ajo që mendon e majta, situata nuk mund të jetë civile tani. Hamasi dhe mashtrimi që është qeveria e tij po shkatërrojnë popullin e tij”, shprehet aktori, duke lavdëruar nga ana tjetër heroizmin e madh të popullit hebre, përballë tragjedive të shumta gjatë historisë, nga Holokausti e deri te “Holokausti” i fundit i Hamasit.
https://www.instagram.com/reel/CzNYXqzt6_J/?utm_source=ig_web_copy_link
Qëndrimi i babait të divës së Hollivudit për konfliktin, është qartë në mbështetje të arsyeve dhe veprimeve të Izraelit, të cilat ai i argumenton për më shumë se tre minuta video, madje duke i kërkuar vajzës së tij aktore të rivlerësojë mendimin e saj për luftën.
Discussion about this post