Si në çdo “Foltore” tjetër, ish-kryeministri Sali Berisha është pritur me ovacione në takimin me të rinjtë e Partisë Demokratike në amfiteatrin e jashtëm të Akademisë së Arteve.
Në nisje të fjalës, Berisha falënderoi të rinjtë e Forumit Rinor të PD dhe drejtuesit e tij për pjesëmarrjen në “Foltore”, dhe për qëndresën që kanë bërë përballë qeverisë në këto vite.
“Të dashur të rinj, të reja, anëtarë dhe drejtues të Forumit Rinor, dua me mirënjohjen më të thellë t’ju falenderoj ju, për punën e jashtëzakonshme që ju keni bërë, për mundin dhe djersën, guximin që keni treguar për ta bërë PD-në në këto vite, një opozitë të vërtetë. Ju anëtaret dhe anëtarët, drejtuesit e forumit rinor nuk kursyet asgjë në këto vite, u përballët me dhunën dhe terrorin e narko shtetit dhe narko policisë, me shëmtinë e qelive të burgjeve dhe komisariateve, për të mbrojtur idealet e PD. Unë besoj shumë se kjo foltore do të jetë një shtysë e madhe për mbarë shoqërinë shqiptare, në radhë të parë për PD, e cila ndodhet në një moment kritik. Unë kam bindje, jam i sigurt që së bashku do të krijojmë me shpejtësi opozitën e vërtetë shqiptare”, tha Berisha.
Në krah të ish-kryeministrit ndodhet edhe deputeti i Partisë Demokratike, Belind Këlliçi, dhe njëherësh kryetari ende në detyrë i Forumit Rinor, i cili ka vendosur t’i bashkohet zyrtarisht “Foltores”.
Discussion about this post