Kreu i Fondacionit Shqiptaro-Amerikan për Zhvillimin, Michael Granoff , ka bërë sot disa kritika për qeverinë Shqiptare. Gjatë një interviste televizive, duke komentuar raportin e fundit të fundit të Dhomës Amerikane të Tregtisë mbi klimën e biznesit, ai tha se informaliteti, burokracia, korrupsioni, sistem jo funksional i drejtësisë, janë tre nga arsyet pse situata është përkeqësuar.
“Shqipëria përballet me një sërë problemesh kur vjen puna tek klima e biznesit, të cilët nuk janë të reja. Qoftë in formaliteti apo korrupsioni, apo secila nga këto gjëra. Sistemi i drejtësisë, tërë këto gjëra janë probleme. Janë probleme të dukshëm. Gjithashtu, nuk janë vetëm një problem shqiptar. Janë probleme që shfaqen kudo, e më vjen keq t’ua them, shfaqen edhe në Shtetet e Bashkuara. Duke cenuar klimën e biznesit edhe në Shtetet e Bashkuara.
Pa diskutim, e cenojnë. Dhe, është detyra e qeverisë, është detyra e partnerëve, është detyra e institucioneve ndërkombëtare, të përpiqen t’i trajtojnë këto lloj çështjesh. Është gjithashtu detyra e njerëzve si ne të pikasin e të thonë, “Dëgjoni, këtu mund të funksionojmë dot, pasi këto çështje nuk janë shumë problematike, por në vendet ku do të përballemi me to, ndoshta thjesht nuk do hyjmë në atë fushë”, tha ai.
Duke vijuar më tej, ai u pyet dhe se cili është drejtimi që duhet të marrë ekonomia shqiptare. Granoff tha se, qeveria shqiptare duhet të implementojë më shumë vendin drejtë risive të reja teknologjike, duke theksuar se më parë duhet garantuar aksesi në çdo cep të vendit, në të kundërt disa banorë mbeten pa shërbime. “Nëse mendoni për atë që mund të bëjë Shqipëria, për të përmirësuar pozitën e saj ekonomike në tërësi, dhe ofruar më shumë mundësi ekonomike për qytetarët e saj, mendoj se një pjesë e madhe e kësaj lidhet me teknologjinë. Shqipëria është një vend i vogël. Është shumë larg Azisë, shumë larg Shteteve të Bashkuara. Është shumë larg vendeve të tjera. Tani, me atë çka na ofron teknologjia, aftësinë për të bërë, në fakt i eliminon kufijtë. Dikush që jeton në Shqipëri mund të kodojë për Intel në të njëjtën mënyrë sikur të ishte në Lugina e Silikonit. Ndaj, mendoj se një nga sfidat tona, sfidat për qeverinë, është të shohë çfarë ka ndodhur me teknologjinë. Dhe të shohë sesi mund ta përdorim tani këtë mjedis pa kufi për t’iu dhënë mundësi njerëzve të bëjnë karrierë, të kenë punë të mira, arsimim që do t’iu mundësojë të bëjnë gjëra që integrohen me pjesën tjetër të botës, pa u larguar nga Shqipëria”, tha ai, duke këkruar nga qeveria që të jetë më shumë bashkëpunuese me bizneset.
Discussion about this post