“Fondet e tërmetit u përdorën për të blerë kolltuqe me masazh”

Kryetari i Partisë së Lirisë, Ilir Meta, ishte ditën e sotme në Kurbin, në një takim përmbyllës të fushatës se koalicionit “Bashkë Fitojmë” .

Gjatë fjalës së tij para të pranishmëve, Meta është shprehur se fondet e tërmetit në Shqipëri janë përdorur për të blerë kolltuqe luksoze me masazh dhe për të areduar zyra luksoze.

Ai shtoi se në 14 maj qytetarët nuk do të intimidohën nga presionet e qeverisë dhe do të votojnë ndryshimin.

Meta: Na keni dhënë mundësinë që të mbështesim një kandidat që si kryebashiak t’i japë fund një 4 vjeçari bunker të bashkisë së Kurbinit.

Ai do të sjellë transparencën në vend të korrupsionit, që e ka lënë pa ujë Kurbinit. Qytetarët nuk do të intimidohen më as me fatkeqësinë e tërmetit, ku fondet e tërmetit u përdorën për të blerë kolltuqe luksoze me masazh dhe aredim luksoz zyrash. Haxhiu do të bëjë transparente para jush të gjitha të ardhurat që vijnë në Bashkinë e Kurbinit.

Ai për çdo gjë do të konsultohet me ju. Përfundon periudha e arrogancës absolute dhe fillon epoka e transparencës absolute. Ndihem i nderuar të jem këtu me të gjithë ju dhe jam optimist se e vetmja garë që ka Behar Haxhiu është me Pashk Gjonin, Bardh Spahinë dhe Admir Sinamatin, se kush do ta dërmojë më shumë bandën e rilindjes”.