Sokol Cikalleshi është ngjitur në kuotën e 12 golave me kombëtaren pas realizimit ndaj Polonisë duke barazuar kështu Armando Sadikun.
Sulmuesi nga Kavaja do tentojë të shënojë edhe kundër Hungarisë dhe San Marinos, për t’u ngjitur në podium.
I treti është Ervin Skela me 13 gola dhe Cikalleshi i ka shanset ta kalojë vlonjatin që ka spikatur me Shqipërinë. Shënuesi më i mirë i kombëtarës është Erion Bogdani me 18 rrjeta të tundura, ndërkohë që Alban Bushi renditet i dyti me 14 gola. Për Cikalleshin nuk është asgjë e pamundur për sa kohë që mbetet sulmuesi kryesor i ekipit.
