Në “Stadiumin Partizani”, “rrogozhinasit” e Egnatias do të presin “kurbinasit” e Laçit në përballjen e vlefshme për javën e 30-të të Kampionatit shqiptar të futbollit, Abissnet Superiore.
Egnatia ndodhet në vendin e 3-të të renditje me 42 pikë, vetëm 3 më shumë se Laçi i vendit 5-të, që deri më tani ka grumbulluar 39 pikë dhe ditën e sotme përplasen në një “betejë” të nxehtë për një vend Evrope në renditje.
Përsa i përket formacioneve, tekniku i Egnatias, Edlir Tetova ka vendosur ta nisë formacionin me Sherrin në portë e pas tij Malota, Atanda, Memolla, Fangaj, Akbegpornu, Zejnullai, Fernando, Jackson, Kasa e Duamema.
Ndërkaq, në krahun tjetër, tekniku Stavri Nica ka vendosur ta nisë lojën me Selmanin në portë e pas tij vijnë Roganovic, Velkoski, Turkaj, Ziko, Spahiu, Manellari, Ujka, Qato, Guindo e Shkurtaj.
Discussion about this post