Shqipëria përballet sonte në orën 20:45 me Serbinë në një ndeshje shumë të rëndësishme në Grupin K të kualifikuesve të Botërorit 2026.
Kjo është një ndeshje rëndësishme në aspektin sportiv, por padyshim edhe në aspektin emocional të asaj që përmbledh sfida në fjalë duke kujtuar historinë por edhe atë që ndodhi në Beograd 11 vite më parë.
Tashmë janë publikuar edhe formacionet zyrtare të supersfidës. Shqipëria rreshtohet me modulin 4-1-3-2. Sulmin e Shqipërisë do ta udhëheqë Armando Broja dhe Rey Manaj një dyshe që nuk jemi mësuar ta shohim në ndeshjet e kaluara.
Gjithashtu Jasir Asani është lënë në stol, ndërsa Arbër Hoxha e nis si titullar.
FORMACIONET ZYRTARE
Shqipëria ka regjistruar një humbje ndaj Anglisë dhe një fitore përballë Andorrës në dy sfidat e para të luajtura, ndaj një rezultat pozitiv e sidomos fitorja ndaj Serbisë, do ta mbante në shinat e duhura për të luftuar për vendin e dytë që çon në play-off të Botërorit.
Ndërsa na anën e saj, për Serbinë kjo është ndeshja e parë e kualifikuesve, pasi në dritaren e marsit ajo mori pjesë në ndeshjet e play-off të Ligës së Kombeve.
Discussion about this post