Sot në orën 13:45 do të startojë sfida midis Laçit dhe Egnatias, e cila është e vlefshme për javën e pestë të Superligës.
Ky takim do të zhvillohet në stadiumin e kurbinasve, teksa ‘Bardhezinjtë’ do të kërkojnë fitoren e parë për këtë sezon të kampionatit.
Laçi renditet në vend të nëntë me vetëm dy pikë, shifra këto shumë demoralizuese duke ditur lojtarët që ka në përbërje.
Teksa Egantia do tentojë të marrë fitore për të treguar forcë në kampionatin e ri për të. Skuadra nga Rrogozhina renditet në vend të gjashtë me pesë pikë të grumbulluara në katër javë.
Ndërsa na ndajnë edhe disa minuta nga fillimi i ndeshjes trajnerët Vukiçeviç dhe Magani kanë vendosur se si do të luajnë sot.
Formacionet zyrtare:
Laçi– Dajsinani; Roganoviç, Shehu, Lushkja, Turkaj, Mazrekaj, Guindo, Deliu, Velija, Velkovski, Zarubica. Trajner: Dejan Vukiçeviç.
Egnatia – Puja; Ymeralilaj, Kacbufi, Krasniqi, Cyrbja, Iseni, Bardis, Krivanjeva, Imeri, Allmuça, Pedro Augusto. Trajner: Gugash Magani./K.T/Gijotina.com
