Pas pak minutash në stadiumin e qytetit të Laçit do të nisë ndeshja midis kurbinasve dhe Skënderbeut për javën e shtatë të Superligës.
Skuadrave iu duhet me patjetër fitorja, me ‘Bardhezinjtë’ që deri më tani kanë vetëm një fitore dhe korçarët, të cilët ndodhen në vend të fundit të tabelës me vetëm tre pikë.
Ndërsa ditën e sotme trajneri Mirel Josa do të debutojë në krye të stolit të Laçit në ndeshjen kundër ish-skuadrës së tij.
Ai dhe Memelli e kanë vendosur se si do t’i zbresin në fushë skuadrat e tyre për sfidën e sotme.
Formacionet zyrtare:
LAÇI – Dajsinani; Roganoviç, Malota, Ignjatoviç; Shehu, Lushkja, Deliu, Ziko, Zulfiji, Guindo, Mazrekaj. Trajner: Mirel Josa.
SKËNDERBEU – Rexhepi; Vitija, Zhan Viktor, Sadriu, Meksi, Mara, Moraes, Dumfur, Vrapi, Mensah, Bismark. Trajner: Migen Memelli./K.T/Gijotina.com
