Shqipëria do të përballet sot në orën 20:45 në ‘Wembley’ me Anglinë për kualifikuesen e parafundit dhe më të rëndësishmen të Botërorit ‘Katar 2022’.
Kjo është mundësia e fundit për ‘Kuqezinjtë’ që të mund të prekin ëndrrën e Botërorit, por kjo vetëm nëse kuqezinjtë do mund të marrin dy fitore ndaj Anglisë sonte, që është e pamundur në letër, dhe ndaj Andorës dhe në të njëjtën kohë që Polonia të humbasë një prej sfidave të saj, atë kundër Hungarisë.
Ndërsa mundësia tjetër është që të dalim me një pikë nga sfida e sotme, pra të marrim një barazim dhe të fitojmë me Andorën me 15 nëntor në ‘Air Albania’ dhe njëkohësisht Polonia të marrë minimumi të marrë një humbje ndaj Hungarisë dhe një barazim ndaj Andorës.
Megjithatë ndërsa na ndajnë edhe disa orë nga kjo sfidë formacioni me të cilin pritet të zbresë sot në fushë Shqipëria do të ketë në portë Etrit Berisha, në mbrojtje Kumbulla-Ismajli-Veseli, në krahë Hysaj dhe Trashi, mesfushën pritet ta mbajnë Bare-Gjasula-Bajrami, teksa sulmi do t’i besohet Uzunit e Cikalleshit.
Armando Broja pritet ta nisë ndeshjen nga stoli, për shkak të problemit që ka pasur në kavilje./K.T/Gijotina.com
Discussion about this post