Sot do të luhen një pjesë e ndeshjeve të raundit të shtatë të Premier League. Skuadra e yllit të Kombëtares shqiptare, Armando Brojas ka këtë javë një sfidë ferri.
Southampton duhet të përballet me kampionët në fuqi të Champions League, Chelsean, të cilët deri më tani kanë treguar se janë goxha në formë dhe renditen të tretët me 13 pikë në kampionatin anglez. Ndërsa Southampton janë të 16 me vetëm katër pikë.
Teksa na ndajnë edhe disa minuta nga fillimi i kësaj sfide janë bërë publike formacionet se si do të zbresin këto skuadra sot në fushë.
Duket se Southampton ka vendosur që ta lërë Brojan në stol në këtë sfidë edhe pse pritet ta aktivizojë në minutat kur do të ketë më shumë nevojë për të.
Megjithatë ajo që është e sigurt është fakti që në momentin që shqiptari futet në fushë di të bëjë diferencën. Kjo sfidë do të jetë shumë e veçantë për Brojan, pasi ai do të përballet me ekipin ‘e tij’, pra që e ka dhënë për huazim./K.T/Gijotina.com
