Formacioni i vitit në Hungari, përfshihet edhe mbrojtësi i Shqipërisë

Pas Uzunit, një tjetër futbollist shqiptar shkëlqen në elitën e futbollit hungarez.

Herdi Prenga ka marrë vlerësimet më të larta për sezonin me Kisvarda, me skuadrën që u pozicionua e dyta në kampionat dhe siguroi një vend në Conference League.

Mbrojtësi kuqezi është përzgjedhur edhe në skuadrën ideale të vitit, një formacion i cili është dominuar nga kampionët e Ferencvarosh, me katër futbollistë.

Pas edicionit fantastik, 27-vjeçari Prenga mund të jetë gati për një tjetër hap të rëndësishëm në karrierë, pasi ka luajtur në Kroaci, Letoni dhe Hungari.