Formacioni i yjeve që nuk janë në Kupën e Botës

Kombëtarja që nuk do të luajë dot në Kupën e Botës. Nga Donnarumma te dyshja Haaland-Osimhen.

Shumë yje nuk do të jenë dhe ja ku është formacioni që do të trembte Francën, Brazilin, Argjentinën e kështu me radhë. Gigio Donnaruma në portë, Italia nuk është kualifikuar dhe portieri është mungesa më e madhe në këtë Botëror.

Juan Cuadrado, pavarësisht moshës 34-vjeçare, mbrojtësi mund t’i thotë lamtumirë një evenimenti të tillë, pasi në rast kualifikimi të Kolumbisë edicionin e ardhshëm, futbollisti i Juventusit do të ishte 37-vjeç. Një tjetër mungesë është ai i Milan Skriniar.

Për të kompletuar mbrojtjen janë austriaku Alaba dhe skocezi Robertson, dy lojtarët që aktivizohen me Real Madrid dhe Liverpool.

Një rreshtim 4-4-2, duke vendosur Barellan dhe Verratin. Ndërsa nga krahët Salah dhe Kvaratskhelia janë yjet që do të mungojnë në Katar.

Haaland, përveç që shënoi pesë gola në gjashtë ndeshje në kualifikuese, nuk ia doli dot. Një më shumë se Osimhen. Nigeria e tij u mund në play-off nga Gana. Dështimi i parë i ‘shqiponjave’ pas tre kualifikueseve radhazi.