Pas një pauze katër javore, Botërori i Formula 1 rikthehet këtë fundjavë me Çmimin e Madh të Azerbajxhanit. Në pistën e Baku është parashikuar edhe gara e parë Sprint nga 6 që priten këtë edicion teksa ka gjasa që të ketë një ndryshim të rregullores.
Kështu, ekipet janë bashkuar dhe janë në të njëjtin mendim që në garat Sprint të mos përcaktohet më Pole Position për garën e madhe, por të luhet vetëm për pikë.
Por, si do të vendoset Pole Position dhe radha e nisjes për garën Sprint? Ideja është që të anashkalohet formati i provave të lira dhe të ketë më shumë interes për sesionin e së premtes që do të kthehej në vendimtar për të përcaktuar startin e Sprint Race dhe të garës së plotë.
Në fakt, struktura ende nuk është kristalizuar dhe ka disa detaje që duhen vendosur në mbledhjen e Komisionit të Formula 1 të martën. Koha është e mjaftueshme dhe në rast se gjithçka shkon sipas parashikimeve atëherë rregullat do të hyjnë menjëherë në fuqi për t’u aplikuar në Çmimin e Madh të Azerbaxhanit, këtë fundjavë.
Discussion about this post