Piloti i skuadrës Alpine, Fernando Alonso ka insistuar edhe një herë se Max Verstappen e ka merituar më shumë se çdo herë titullin e tij të parë botëror në Formula 1.
Dy herë kampioni i botës Fernando Alonso uroi Max Verstappen për sigurimin e titullit të tij të parë botëror në Formula 1 këtë të dielë në Abu Dhabi ku spanjolli u shpreh se ishte “vetëm çështje kohe” që holandezi të mos titullohej.
Edhe pse ai pranon se Max Verstappen ishte shumë me fat këtë të dielë në xhirot e fundit të garës me paraqitjen e një makine sigurie në pistë, piloti i Alpine i bëri jehonë komenteve të tij të bëra të enjten e kaluar në një konferencë për shtyp në Yas Marina kur tha se Verstappen “Është një hap përpara të gjithëve ne, Unë e përgëzoj Max Verstappen për kurorëzimin e tij. Kurorëzimi i tij ishte vetëm çështje kohe dhe ai e meriton titullin edhe pse ka pasur pak fat në incidentet e sotme”,deklaroi Alonso.
Duke u renditur i teti në përfundimin e eventit këtë të dielë, Fernando Alonso pranoi se makina e tij nuk ishte aq konkurruese sa pritej në pistën e re të Yas Marina këtë fundjavë, por spanjolli sheh anën e mirë të gjërave me një vend të pestë të siguruar në kampionatin i konstruktorëve për ekipin Alpine këtë vit.
“Nga ana jonë, ne filluam me goma të forta dhe mundëm të përfitonim nga makina e sigurisë këtë herë. Më pëlqeu betejat tona me Alpha Tauri dhe kjo hyrje e dyfishtë në pike për të dy ne është një rezultat i mirë për Alpine. Ne nuk ishim aq konkurrues këtë fundjavë, por patëm një tjetër garë solide, kështu që kjo është merita e ekipit. Tani duhet të rivendosim pritshmëritë për vitin e ardhshëm dhe të sigurohemi që të kemi një dimër të mirë përpara vitit 2022”, mbylli dy herë Kampioni i Botës.
Discussion about this post