Ka përfunduar Çmimi i madh i Abu Dhabit, ku në përfundim të saj pa Maxh Verstappen të triumfonte në një garë mjaft të luftuar kundrejt konkurentit të tij direkt, Lewis Hamilton.
Kjo garë ishte e gjitha nën kontrollin e shtatë herë Kampionit të Botës, Lewis Hamilton, i cili mori një kryesim të kontestueshëm që në kthesat e para, me Max Verstappen që e shoqëron jashtë pistës. Hamilton e pret shkrurt trajektoren, dhe merr sërisht kryesimin. Komisarët e pistës e menduan si të panevojshëm të merresin masa per këtë rast, dhe lejuan vazhdimin e garës.
Komunikimi i herë pas herëshëm në radio, me Max Verstappen që kërkonte pozicionin e tij, nuk patën rezultat, por fati do të ishte në anën e hollandezit vetëm në xhirot e fundit.
Nikolas Latifi do të përplasej në xhirot e fundit, dhe makina e sigurisë hyri në pistë, duke zeruar në këtë mënyrë dieferencën prej 13 sekondash që Lewis Hamilton kishte krijuar. Këtë moment Red Bull e shfrytëzoi për të ndërruar gomat e Verstappen, i cili tashmë me ‘armë’ të freskëta, priti vetëm largimin e makinës së sigurisë, për të parakaluar Hamilton.
On top of the world ?#AbuDhabiGP ?? #F1 @Max33Verstappen pic.twitter.com/sqqrkVJUbR
— Formula 1 (@F1) December 12, 2021
Të dy garuesit vinin në këtë Çmim të Madh me pikë te barabarta, dhe pikërisht ishte kjo fitore ajo qe e shpalli hollandezin Max Verstappen ‘Kampion Bote’ për herë të parë në karrierë.
Discussion about this post