Mercedes i rikthehet ngjyrës së zezë për të mënjanuar pak paragjykimet e argjendta, ngjyrë e cila vitin e kaluar nuk u solli shumë fat Lewis Hamilton dhe George Russell, me vetëm një fitore, në Brazil, për pilotin anglez që feston sot ditëlindjen e 25-të të tij.
W14-ta është njëvendëshja me të cilën “Ylli me Tre cepa” synon t’i rikthehet zakonit fitues të së kaluarës. Për të mbështetur Hamilton dhe Russell do të jetë Mick Schumacher, i pranishëm në çdo GP të Kampionatit Botëror.
Duke folur për mediat, piloti Lewis Hamilton u shpreh se synon objektivin maksimal të sezonit, titullin kampion:
“W14 i zi është model i shkëlqyeshëm. Le të shpresojmë që e gjithë puna e bërë në fabrikë të kthehet në performancë në pistë. Mu deshën pak ditë pushime, dhe tashmë dëshira për tu kthyer në pistë ishte shumë e madhe.
Ndihem i relaksuar dhe plot energji, motivimi im është i paprekur dhe jam i fokusuar në objektivin maksimal. Unë jam gati të bëj gjithçka që duhet për të fituar përsëri. Më pëlqen të jem pjesë e këtij ekipi. Unë synoj të përmirësohem gjithmonë, është pjesë e ADN-së sime. Më pëlqen të punoj në makinë dhe ta bëj të performojë sa më mirë. Ndihem i privilegjuar që mund ta ngas, do të dimë më shumë javën e ardhshme në teste”.
Discussion about this post